ഞാൻ

ഞാൻ നിന്നോട്...!

എനിക്ക് നിന്നെ പ്രണയിക്കാം ശരി തന്നെ

നിന്റെ നെഞ്ചിൽ തല ചായ്ച്ചുറങ്ങയുമാകാം

നിന്റെ ഞരമ്പുകളിലെ പ്രവാഹം

എനിക്കനുഭവിക്കാം

നിൻറെ ഹൃദയമിടിപ്പുകൾ എനിക്കു ശ്രവിക്കാം

ഇനി നീ എന്റെ ചോദ്യങ്ങൾക്ക് ഉത്തരമേകണം

നിന്റെ നെഞ്ചിൽ നിന്നും എന്റെ കാലുകളിലൂടെ പടരുന്ന വിഷം ഏതാണ്?

എന്റെ കൈകളില് അമരുന്ന വാൾത്തലപ്പുകൾ ഏത് കൊടിയുടെയാജ്ഞയാണ്..?

ചെന പോകാത്തയെൻ  കുരുന്നുകളെ ഭക്ഷിച്ചവർക്കെങ്ങനെ വന്നു ദീനം?

ദീനം സുഖപ്പെടുത്തുന്നാശുപത്രിയെ ഏത് ഭിഷഗ്വരൻ ചികിത്സിക്കും..?

ഭിഷഗ്വരൻ നൽകുന്ന ഭേഷജത്തെയേതു -

സമാജം സുഖപ്പെടുത്തും..?

ഈ മരണ തുല്യ ജീവിതത്തേക്കാൾ

മൃത്യു തന്നെ യാനന്ദം..!

ഇനി

നിന്റെ കൈകളൊന്ന്

പതിയെ എൻ ഞരമ്പുകളിലൂടെയൊന്ന്

പായിക്കുക...

നിന്റെ മാറിൽ വീണ് നിന്നിലലിയുന്നതത്രെ 

നന്ന്..!

കായ്കനികളുണ്ടായപ്പോൾ കാരണവർ

നിങ്ങൾക്കു മുന്നിൽ തലകുനിച്ചു തന്നത്

ഫലങ്ങൾ പങ്കുവെക്കാനായിരുന്നു

തലയറുക്കാനുള്ള സമ്മതമായിരുന്നില്ലത്..!

ഈ അലിയൽ നിന്നോടുള്ള 

പ്രണയത്താലെന്നാശ്വാസത്തിൽ ...!

മുഹമ്മദ് ഷമീം.കെ. എം 

എടക്കര

9048 84 37 64

love 'n regards